Արխիվ

«Ռուսական երկաթուղիներ» ԲԲԸ նախագահը ՀԿԵ անձնակազմին է ներկայացրել նոր գլխավոր տնօրենին

10.09.2015

Սեպտեմբերի 10-ին Երևանում «Ռուսական երկաթուղիներ» ԲԲԸ գլխավոր տնօրեն Օլեգ Բելոզյորովը «Հարավկովկասյան երկաթուղի» ՓԲԸ աշխատակիցներին է ներկայացրել Ընկերության նոր գլխավոր տնօրենին: «ՀԿԵ» ՓԲԸ Տնօրենների խորհրդի որոշման համաձայն, պաշտոնը զբաղեցրել է Սերգեյ Գեննադիի Վալկոն, ով մինչ այդ Ընկերության գլխավոր տնօրենի առաջին տեղակալն էր:
Ներկայացնելով նոր գլխավոր տնօրենին՝ «ՌԵ» ԲԲԸ նախագահն ասաց.
- Սերգեյ Վալկոյի մասնագիտական կյանքը կապված է երկաթուղու հետ: Նա Մոսկվայի Երկաթուղային տրանսպորտի ինժեներների ինստիտուտի շրջանավարտն է և անցել է մեծ ճանապար կայարանի հերթապահից մինչև թոփ-մենեջեր: Համոզված եմ, որ հարուստ փորձը և որոշումներ ընդունելու ունակությունը թույլ կտան նրան պահպանել և կատարելագործել Հարավկովկասյան երկաթուղու ավանդույթները:
Օլեգ Բելոզյորովը շնորհակալություն հայտնեց երկաթուղու անձնակազմին և Ընկերության նախկին գլխավոր տնօրեն Վիկտոր Ռեբեցին՝ աշխատանքի և ՀԿԵ-ի զարգացման գործում ունեցած մեծ ավանդի համար: Բազմամյա պարտաճանաչ աշխատանքի համար Վիկտոր Իվանի Ռեբեցը պարգևատրվել է «Երկաթուղային տրանսպորտում անբասիր աշխատանքի համար» նշանով:
Ինչպես ընդգծեց «ՌԵ» ԲԲԸ նախագահը, Վիկտոր Ռեբեցն անցնում է այլ՝ նույնպես շատ պատասխանատու, պաշտոնին: «ՀԿԵ» ՓԲԸ նախկին ղեկավարի գործունեությունը և Հայաստանի երկաթուղային տրանսպորտի զարգացման գործում ունեցած ավանդը բարձր գնահատեց նաև Հայաստանի Հանրապետության նախագահ Սերժ Սարգսյանը:
Սերգեյ Վալկոն ծնվել է 1963 թվականի հունվարի 15-ին: 1985 թվականին ավարտել է Մոսկվայի Երկաթուղային տրանսպորտի ինժեներների ինստիտուտը:
Երկաթուղային տրանսպորտի ոլորտում իր աշխատանքը սկսեց 1985 թվականին կայարանի հերթապահի պաշտոնից:
Տարբեր տարիներին Ս.Վալկոն աշխատել է նաև Մոսկվայի երկաթուղու «Սմոլենսկ» տեսակավորման բեռնափոխադրման կայարանի կայարանապետ, Մոսկվայի երկաթուղու Օրլովսկ-Կուրսկ մասնաճյուղի ղեկավարի առաջին տեղակալ, Մոսկվայի երկաթուղու Սմոլենսկի մասնաճյուղի ղեկավարի առաջին տեղակալ, Գորկու երկաթուղու Գորկու մասնաճյուղի ղեկավար:
2010-2013թթ. զբաղեցրել էր Շարժման վերահսկողության կենտրոնական տնօրինության ղեկավարի առաջին տեղակալի պաշտոնը:
2013 թվականի մարտի 26-ից «Հարավկովկասյան երկաթուղի» ՓԲԸ գլխավոր տնօրենի առաջին տեղակալն է:

Share |

 

 

 

 

 

 

 

 

 

 

 

 

ЗАО "ЮКЖД" 2015 г.