Արխիվ
«Արմենիա» ֆիրմային գնացքն այս տարի առաջին անգամ Երևանից ուղևորվեց Բաթումի. տոմսերն այժմ կարելի է գնել ինտերնետով
15.06.2012
Այսօր կայացավ «Հարավկովկասյան երկաթուղի» ընկերության «Արմենիա» ֆիրմային գնացքի այս տարվա առաջին չվերթը: Այս տարի Երևանից Բաթումի առաջին անգամ ուղևորվեցին մոտ 70 հոգի: 2012 թվականի ամառային սեզոնի գլխավոր նորամուծությունն է տոմսերի օնլայն վաճառքը www.ukzhd.am կայքից: Այժմ ուղևորները կարող են տոմսերը ձեռք բերել անձնական կամ աշխատանքային համակարգչի միջոցով:
Տոմսերի օնլայն-վաճառքի համակարգի շնորհանդեսի ժամանակ «ՀԿԵ» ՓԲԸ գլխավոր տնօրենի պաշտոնակատար Մարատ Խակովը նշեց, որ այս տարի էապես կրճատվել է ֆիրմային գնացքի երթևեկության ժամանակը: Այժմ այն կազմում է 16 ժամ 10 րոպե, այն դեպքում, երբ 4 տարի առաջ այն կազմում էր մոտ 20 ժամ:
«Մենք մեծ ուշադրություն ենք դարձնում շարժակազմի թարմացմանը՝ անցած տարի 7 վագոն անցել էին հիմնական վերանորոգում Ռուսաստանում», - հայտարարեց Մարատ Խակողը:
Երկաթուղային ենթակառուցվածքի զարգացման անհրաժեշտությունն ընդգծեց ՀՀ տրանսպորտի և կապի նախարար Մանուկ Վանդանյանը՝ նշելով, որ ՀԿԵ-ի կողմից տարվող աշխատանքները բերեցին Հայաստանում անվտանգ և ժամանակակից երկաթուղային համակարգի ստեղծմանը:
Նշենք, որ «Արմենիա» ֆիրմային գնացքը գործում է ամեն օր՝ հունիսի 15-ից մինչև սեպտեմբերի 30-ը: Գնացքի կազմում լիովին վերանորոգված են կուպեները և ննջավագոնները, որոնք հագեցած են օդափոխության համակարգով:
Տարեցտարի աճում է նաև ուղևորների քանակը: 2009 թվականին գնացքի ուղևոր էին դարձել 16 263 մարդ, 2010-ին՝ 40 304, 2011-ին՝  42,3 հազ., իսկ 2012 թվականին այս ցուցանիշը նախատեսվում է հասցնել մինչև 50 հազարի: Ուղևորների թվի աճին նպաստում են ՀԿԵ-ում տարվող շարժակազմի արդիականացման քաղաքականությունը, մատուցվոզ ծառայությունների մակարդակի աճը: Միայն 2011-2012 թթ. «Արմենիա» ֆիրմային գնացքի 42 վագոններից 20-ը կապիտալ վերանորոգում են անցել Վորոնեժի վագոնավերանորոգողական գործարանում: Մնացած վագոնները վերանորոգվել էն Երևանի վագոնալոկոմոտիվ դեպոյում:
2012 թվականին անցյալ տարվա հետ համեմատած չի փոփոխվել նաև ՀԿԵ-ի գնային քաղաքականությունը. պլացկարտ տոմսի արժեքը կազմում է մոտ 10 հազ. դրամ, հասարակ կուպեի տոմսն արժե 14 հազ. դրամ, բարձր հարմարավետությամբ կուպեների տոմսը՝ 16 հազ. դրամ: Իսկ ննջավագոնի տոմսերի արժեքը 2011-ի հետ համեմատ էժանացել է 10%-ով՝ այս տարի կազմելով 24 հազ. դրամ:
Այս տարի Հարավկովկասյան երկաթուղին կրկին իր ուղևորներին կառաջարկի դեպի Սև ծովի առողջարններ տրանզիտային ուղևորությունների ծառայությունը: Անցյալ տարի երկաթուղին առաջին անգամ առաջարկեց նման ծառայությունը, որը բավականին պահանջված էր ուղևորների կողմից:
Share |

 

 

 

 

 

 

 

 

 

 

 

 

ЗАО "ЮКЖД" 2012 г.