Արխիվ
«ՀԿԵ» ՓԲԸ երիտասարդները մասնակցեցին «Մեկ քայլ առաջ» առաջին Եվրասիական երիտասարդական համաժողովի աշխատանքներին
29.04.2013
«Հարավկովկասյան երկաթուղի» ընկերության երիտասարդները մասնակցեցին «Մեկ քայլ առաջ» առաջին Եվրասիայան երիտասարդական համաժողովի աշխատանքներին, որը կայացել է ապրիլի 26-ից 28-ը Երևանում:
ԱՊՀ երկրների Երիտասարդական միության կողմից կազմակերպած համաժողովն ուղղված է հրավիրելու երիտասարդների ուշադրությունը հետխորհրդային երկրների խնդիրներին, բարեկամ երկրների հասարակությունների զարգացման ուղիներին: Միջոցառման հիմնական նպատակներն են միասնական տեղեկատվական և վերլուծական դաշտի ձևավորումը, որը կօգնի երիտասարդներին ակտիվ մասնակցություն ունենալ եվրասիական ինտեգրման գործընթացներին և արդյունավետ արդյունքների հասնել:
«ՀԿԵ» ՓԲԸ ներկայացուցիչները մասնակցեցին եվրասիական ինտեգրման գործընթացներին, եվրասիական ընտանիքում Հայաստանի դերին, եվրասիական ինտեգրման մեջ երիտասարդների դերին, ԱՊՀ երկրներում երիտասարդների աշխատանքի տեղավորման հարցերին նվիրված քննարկումներին:
«Հայաստանի Հանրապետության տնտեսության ինտեգրման գործընթացներում երկաթուղային տրանսպորտի դերը» զեկույցով հանդես եկավ ՀԿԵ Երիտասարդների խորհրդի նախագահ Վահե Դավթյանը՝ ծանոթացնելով ներկաներին Ընկերության հիմնական սկզբունքների և գործունեության ուղղությունների, ՀԿԵ երիտասարդական քաղաքականության, Հայաստանի երկաթուղային տրանսպորտի զարգացման հեռանկարներին:
Վերջին հարցը խիստ հետաքրքրեց համաժողովի մասնակիցներին, որոնք հարցեր ուղղեցին Հայաստանի և Ռուսաստանի միջև Վրաստանի և Աբխազիայի տարածքով երկաթուղային հաղորդակցության վերաբացման վերաբերյալ:    

 

Տպել

Share |

 

 

 

 

 

 

 

 

 

 

 

 

ЗАО "ЮКЖД" 2013 г.