Արխիվ
ՀԿԵ ՓԲԸ գլխավոր տնօրենն ամփոփեց նոյեմբերին կատարած աշխատանքի արդյունքները
05.12.2013

«Հարավկովկասյան երկաթուղի» ՓԲԸ գլխավոր տնօրեն Վիկտոր Ռեբեցը դեկտեմբերի 5-ին կայացած խորհրդակցության ժամանակ ամփոփեց Ընկերության նոյեմբերին կատարած աշխատանքի արդյունքները:
Առաջին հերթին ՀԿԵ ղեկավարը նշեց, որ 2013 թվականի նոյեմբերին անցած տարվա նույն ժամանակահատվածի հետ համեմատ 6,2%-ով ավելացել են բեռնափոխադրումների ծավալները, իսկ 6,4%-ով՝ բեռնաշրջանառությունը: Առավել ակտիվ կայարանների շարքում Վիկտոր Ռեբեցը նշեց Դալարիկը, Կարմիր Բլուրը և Երևանը:
Երկաթուղու ձեռքբերումների թվում գլխավոր տնօրենը նշեց, մասնավորապես, տրանզիտային վագոնների պարապուրդի կրճատումը, բեռնատար գնացքի քաշի ավելացումը 36 տոննայով, միջին տեղամասային արագության աճը 2 կմ/ժամով:
2012 թվականի նոյեմբերին բեռնատար գնացքի միջին քաշը ՀԿԵ-ում կազմում էր 1494 տոննա, իսկ միջին տեղամասային արագությունը՝ 30,8 կմ/ժամ:
Միևնույն ժամանակ Վիկտոր Ռեբեցը հավաքվածների ուշադրությունը հրավիրեց այն փաստին, որ նոյեմբերին կրճատվել էր լոկոմոտիվների ու վագոնների արտադրողականությունը, ղեկավարներին հանձնարարելով իրավիճակը շտկելու ուղղությամբ անհրաժեշտ քայլեր ձեռնարկել:
Նա խորհրդակցության մասնակիցներին հիշեցրեց ենթակառուցվածքի արդիականացման ու առողջացման, գնացքների անվտանգ երթևեկության ուղղություններով տարվող աշխատանքների ակտիվացման անհրաժեշտության մասին:
Խորհրդակցության ավարտին Ընկերության գլխավոր տնօրենը հանձնարարեց դեկտեմբերին ապահովել բեռնման նախատեսված ցուցանիշների կատարումն, իրականացնել գնացքների անվտանգ երթևեկությանն ուղղված միջոցառումները, վերականգնել ձեռնարկությունների արդյունավետ տեխնոլոգիաների ու էսթետիկայի պարգևատրման պրակտիկան:

Տպել

Share |

 

 

 

 

 

 

 

 

 

 

 

 

ЗАО "ЮКЖД" 2013 г.