Արխիվ
ՀԿԵ-ն ու ՎԵ-ն երկաթուղային փոխադրումների կազմակերպման վերաբերյալ համաձայնագիր են ստորագրել
23.05.2014

Աստանայում մայիսի 6-7-ին կայացած ԱՊՀ երկրների Երկաթուղային տրանսպորտի հարցերով 60-րդ նիստի շրջանակներում ”Հարավկովկասյան երկաթուղի” ՓԲԸ և “Վրացական երկաթուղի” ԲԸ երկաթուղային փոխադրումների կազմակերպման վերաբերյալ համաձայնագիր են կնքել: Համաձայնագիրը կարգավորում է երկաթուղային ուղևորա- և բեռնափոխադրումների ժամանակ երկկողմանի համագործակցության մի շարք հարցեր:  
Կողմերը կորգավորեցին գնացքների չվերթների, վագոնների, բեռների և կոնտեյներների հանձնման ժամանակ ծագող մի շարք տեխնիկական հարցեր, գնացքների չվացուցակները և սպասարկման կարգը:
Կողմերը հատուկ ուշադրություն են դարձրել տարբեր միջադեպերի, վթարների և աղետների ժամանակ համատեղ գործողությունների կազմակերպմանը: Օրինակ, հայկական և վրացական երկաթուղայինները  պարտավորվել են փոխադարձ օգնություն տրամադրել՝ վերականգնողական գնացաների, հակահրդեհային միջոցների, ձնամաքրող սարքերի, հատուկ վերականգնողական բրիգադների, ինչպես նաև բուժանձնակազմի տրամադրման միջոցով:
Երկաթուղային վարչությունները սահմանել են վագոնների ընդունման ու հանձնման կարգերը Սադախլո կայարանում, տարբեր տեսակի բեռների ու կոնտեյներների հանձնման գործընթացները:
ՀԿԵ-ն ու ՎԵ-ն համաձայնություն են ձեռք բերել ուղևորատար վագոնների օգտագործման վերաբերյալ՝ սահմանելով, որ ուղևորափոխադրումները կազմակերպվում են կողմերի միջև ձեռքբերված համաձայնությունների հիման վրա:
Աստանայում ստորագրված համաձայնագրի կատարման հետ կապված հարցերի լուծման համար ստեղծվելու է համատեղ երկաթուղային հանձնաժողով, որը գլխավորելու է “ՀԿԵ” ՓԲԸ և “ՎԵ”ԲԸ գլխավոր տնօրենների տեղակալներից մեկը:

Տպել

Share |

 

 

 

 

 

 

 

 

 

 

 

 

ЗАО "ЮКЖД" 2014 г.